Specialistët për Hetimin e Krimeve të Komisariatit të Policisë Elbasan referuan materialet në Prokurori, ku nisi procedimi penal për shtetasin M. K., 42 vjeç, pasi dyshohet se ka përndjekur dhe ka ngacmuar seksualisht një 54-vjeçare.
Specialistët për Hetimin e Krimeve të Komisariatit të Policisë Peqin referuan materialet në Prokurori, ku nisi procedimi penal për shtetasin S. H., 48 vjeç, pasi dyshohet se ka kanosur nëpërmjet thirrjeve/mesazheve telefonike, bashkëshortin e motrës së tij.
Specialistët për Hetimin e Krimeve të Komisariatit të Policisë Gramsh shpallën në kërkim shtetasin S. M., 52 vjeç, banues në fshatin Qafë Thorë, pasi dyshohet se ka vjedhur një shumë parash, në një subjekt në lagjen “Sporti”. Punohet për kapjen e 52-vjeçarit.
