Deputetët socialistë dhe ata të opozitës parlamentare të Komisionit të Ligjeve, kanë miratuar me 14 vota pro, për ngritjen e Komisionit Hetimor për shkarkimin e Presidentit Ilir Meta.
Ndërkohë që vendimi i Komisionit të Ligjeve pritet të kalojë ditën e nesërme në parlament për të finalizuar ngritjen e Komisionit.
Në seancën e sotme ishte planifikuar të mbahej dhe dëgjesa e Presidentit, por ky i fundit argumentoi se nuk mund të ishte i pranishëm për shkak të axhendës së parashikuar më parë dhe pamjaftueshmërisë së kohës prej 24-orë për të reflektuar në çështjet e ngritura.