Mënyra suprizuese se si antidepresantët ndikojnë në lëkurën tuaj

Mund t’ju tingëllojë e çuditshme,por antidepresantët kanë ndikim në shëndetin e lëkurës tuaj.“Antidepresantët janë ilaçe që përdoren si për ankthin ashtu edhe për depresionin,” thotë Dr. Anthony Puopolo.

Ekzistojnë disa klasa të ilaçeve kundër depresionit, duke përfshirë frenuesit e marrjes së serotoninës dhe norepinefrinës (SNRI), ilaçet kundër depresionit triciklik (TCAa) dhe frenuesit e monoamine oksidazës (MAOI). Lloji më i zakonshëm i ilaçeve kundër depresionit, janë frenuesit selektivë të rimarrjes së serotoninës (SSRI) si Prozac, Lexapro dhe Zoloft,përcjell InfoWebTV.

Por si ndikojnë këto ilaçe drejtpërdrejtë në lëkurën tonë? “Nuk ka ilaçe pa efekte anësore”,thotë Dr.Paul Jarrod Frank.

Mënyra se si kjo ndodh është disi paradoksale. Nëse vuani nga ankthi ose depresioni dhe nuk merrni ilaçe për këtë ose u drejtoheni faktorëve të stilit të jetës që ndihmojnë në lehtësimin e simptomave (si ushtrime të rregullta dhe një dietë e shëndetshme), çështjet e shëndetit mendor mund të ndikojnë në hormonet dhe nivelet e kortizolit, thotë Frank. Dhe kjo mund të reflektohet përmes lëkurës tuaj – stresi shkakton inflamacion, i cili çon në gjendje të tilla si ekzema, acarim ose skuqje.

InfoWebTv përcjell se depresioni dhe ankthi gjithashtu mund të ketë shfaqje të mirëfillta në fizikun tonë,veçanërisht lëkura.Një nga pasojat më të zakonshme është lëkura e thatë.

“Pavarësisht nga puçrrat, psoriaza ose ekzema, këto sëmundje mund të shkaktojnë humbjen e shkëlqimit të lëkurës”, thotë Frank

Nëse filloni kurimin me një ilaç për shëndetin tuaj mendor, Frank tregon se problemet tuaja të lëkurës mund të përmirësohen sepse lehtësimi i stresit apo ankthit mund të lehtësojë ndikimin që ato kanë, në fytyrën tuaj.

Por, në të njëjtën kohë, mund të ketë efekte përkeqësuese. Një nga përfitimet e marrjes së SSRI-ve është se pacientët raportojnë nivele të larta të energjisë. Ky është kryesisht një rezultat pozitiv, por Frank shpjegon se mund të bëjë që njerëzit të kenë probleme me gjumin – dhe privimi i gjumit është një shkak i njohur i lëkurës së irrituar. 

Siç është rasti me shumicën e efekteve anësore, jo të gjithë do t’i përjetojnë ato.Për fatin tuaj të mirë,ekzistojnë mënyra që lëkura të përmirësohet.

“Çelësi është përdorimi i hidratuesve dhe antioksidantëve”, thotë Puopolo. Antioksidantët mbrojnë lëkurën tuaj nga dëmtimi dhe ndihmojnë në ushqimin e barrierës së lëkurës tuaj, prandaj fokusohuni te serumet ose kremrat që i përmbajnë ato. 

“Pini shumë ujë, hani acide yndyrore omega-3 dhe shmangni gjithçka që mund të përkeqësojë simptomat tipike të lëkurës së thatë”, thotë ai. 

InfoWebTV