Gjykata e Tiranës ka liruar nga burgu dhe ka caktuar masën e sigurisë “detyrim paraqitje” për 2 jordanezët Jousef dhe Azis Rahman, të cilët u akuzuan se ndryshonin datën e skadencës së mallrave.
Të dy këta shtetas në bashkëpunim me njëri-tjetrin fshihnin datën e skadencës së produkteve ushqimore, duke e shtyrë afatin e përdorimit deri në dy vite.
Ata shisnin kryesisht produkte ushqimore për fëmijë si: pije, çamçakëza, lëpirëse etj.
Gjendet dhe sekuestrohet sasia totale e produkteve 6.83 ton:
– Pije për fëmijë me datë prodhimi të falsifikuar 10080 copë;
– Çamçakëzë të skaduar dhe me datë prodhimi të falsifikuar 257090 copë;
– Lëpirëse, produkt i skaduar dhe me datë prodhimi të falsifikuar 370656 copë;
– Lëngje, produkt i skaduar dhe me datë skadence të falsifikuar 1786 shishe (bidona).