Një qytet në Alaska i ka thënë “mirupfshim” diellit për dy muajt e ardhshëm, pasi dielli lindi dhe perëndoi në Utqiagvik, i njohur më parë si Barrow, për herë të fundit të enjten për një periudhë mbi 60 ditë.
“Nata polare është një fenomen normal që ndodh çdo dimër për Barroë (Utqiagvik) dhe çdo qytet tjetër brenda rrethit Arktik”, ka thënë meteorologu i CNN, Allison Chinchar.
Por kjo nuk do të thotë që qyteti do të jetë plotësisht i errët. Shumica e orëve të ditës do të kalojnë nëpër periudha të një “muzgu të butë”.
“Mendoni se si duket qielli pak para lindjes së diellit, ose menjëherë pas perëndimit të diellit”, tha Chinchar. “Kjo është ajo që ata shohin për disa orë në ditë, nga tani deri më 22 janar, kur dielli ‘do të dalë zyrtarisht përsëri’”.
Qyteti nuk është i vetmi në Alaskë që përjeton këtë fenomen, por është i pari në listën e vendndodhjeve të natës polare për shkak të largësisë në veri.
