Partia Demokratike e Shqipërisë dhe Bashkimi i Sindikatave të Pavarura Shqiptare kanë firmosur sot marrëveshjen për zgjidhje e disa problemeve kyçe të punëtorëve nga qeveria e ardhshme e PD.
Nënkryetari Edi Paloka, i cili firmosi marrëveshjen, tha se ajo do të zbatohet në bashkëpunim me sindikatat, sapo PD të nisë drejtimin e vendit.
Pikat kryesore të kësaj marrëveshje janë rritje e pagës minimale 300 euro, riorganizimi dhe vendosja e ministrisë së punës, e cila u hoq nga qeveria aktuale, rishikimi i statusit të minatorit, heqja e akcizës së naftës, ngritja e pensioneve, ngritja e pagave të punonjësve të arsimit.
