Kryeministri Edi Rama ka mbërritur së bashku me bashkëshorten e tij Linda Rama për të votuar në qendrën e votimit në Surrel. Rama është shfaqur në qendrën e votimit, në shkelje të pastër të ligjit zgjedhor, pasi mban kapelen ne numrin 12 dhe një maskë me simbolin e PS-së, trëndafilin e tij.
Teksa foli pas votimit, Rama tha se sot është një ditë me diell fantastik dhe askush nuk duhet të ushqejë ndjenja negative.
Rama flet pas votimit: Sot është një ditë shumë e bukur, një diell fantastik dhe sot është dita që të mos ushqejmë asnjë ndjenjë negative, dhe secili me votën e tij të shprehet. Mos të harrojmë sot dhe asnjëherë që jemi më familje e madhe në të njëjtin ardhe, dhe askush të mos harrojë se demokracia nuk është sport me spektatorë, secili duhet të zbresë në fushë për të shënuar.
