Forcat special RENEA kanë zbarkuar mbrëmjen e sotme në Elbasan për të bërë kontrolle “blic” ndaj personave të cilët sipas raportimeve mbajnë armë dhe lëvizin të armatosur gjatë gjithë kohës. Mësohet se janë shoqëruar 5 persona për verifikim në polici pas kontrollit në një lokal.
Në fokus të këtyre kontrolleve të befasishme janë arrestimet e personave të cilët kanë pasur problem të tjera me drejtësinë dhe të cilët në sajë të vëzhgimeve dhe ndjekjeve të bëra, mësohet se lëvizin nëpër Elbasan me armë në brez.
