Reshjet e dëborës përfshijnë qarkun e Elbasanit.
Ulja e temperaturave ka sjellë edhe përkeqësim të motit. Vendi është përfshirë nga reshje shiu, vranësira dhe reshje dëbore.
Në Librazhd reshjet e dëborës vijojnë ende duke përfshirë zonat si Sopoti, Polis, Fushë-Studë, Rrajcë, Bardhaj e Skënderaj.
Në Gramsh reshjet e dëborës kanë përfshirë zona të tilla si Lenie, Poroçan, Skënderbegas, Pishaj, kukur, Sultë, Tunjë etj.
Në Elbasan reshjet e dëborës kanë përfshirë Labinotin Mal, Gjinarin, Zavalinën.
Mësohet se trashësia e dëborës në disa fshatra ka kaluar mbi 15-20 cm.
Sipas raportimeve, deri më tani rrugët janë të kalueshme.
