Një tjetër aksident është regjistruar gjatë orëve të pasdites në Elbasan. Një automjet është përplasur me makinën e policisë rrugore.
Si pasojë e kësaj përplasje ka pësuar tronditje, por ndodhet jashtë rrezikut për jetën drejtuesi i mjetit, ndërsa efektivët e policisë rrugore nuk kanë pësuar asgjë.
Ngjarja ndodhi në rrugën e vjetër Elbasan-Metalurgji në afërsi të kryqëzimit që të dërgon tek fabrika e çimentos.
Dy mjetet janë përplasur në mënyrë ballore mes tyre.
Po punohet për të zbardhur rrethanat e këtij aksidenti.
