Mediat greke shkruajnë se autoritetet kanë vendosur në shënjestër një shqiptar për vrasjen e dyfishtë në Chania të Kretës. Dëshmia e fqinjëve, por edhe provat e gjetura kanë çuar policinë që të ngrejë dyshime se autori është një shqiptar.
Gruaja e moshuar 79-vjeçe u gjet e mbytur me shami. Ndërsa burri i saj 82-vjeç, i cili i zhdukur u gjet në një shtëpi tjetër, teksa trupi ishte copëtuar dhe ishte futur në një valixhe.
Gruan e moshuar të pajetë e gjeti e bija , pasi nuk iu përgjigj në telefon dhe e alarmuar u drejtua për në shtëpi ku pasi hapi derën u përball me tragjedinë. 82-vjeçari u gjet i vdekur në një valixhe në një shtëpi pranë vendit ku 79-vjeçarja u gjet e mbytur.
