Presidenti i Turqisë, Recep Tayyip Erdogan pritet të mbërrijë në aeroportin e Rinasit, ku dhjetra qytetarë me flamurin e Turqisë në dorë presin që të mbërrijë presidenti.
Erdogan duhet të kishte mbërritur në orën 09:25 të mëngjesit në aeroportin e Rinasit, por bëhet me dije se ka pasur një vonesë të delegacionit turk dhe nuk kanë mbërritur në kohë.
Mësohet se do të ketë një shtyrje të orareve të agjendës që ishte parashikuar për sot për shkak të vonesës së Erdogan.
Dhjetra qytetarë janë rreshtuar në kolona në dy anët e rrugës me flamurin në duar dhe foto të Presidentit turk, presin të entuziazmuar që Erdogan të mbërrijë në Rinas.
Agjenda e plotë e Erdogan për vizitën në Shqipëri që do ishte ndjekur, por që do të ketë shtyrje të orareve:
09.25 – Ceremonia e pritjes, Aeroporti “Nënë Tereza”
10.05 – Vizita e Presidentit të Republikës së Turqisë në një prej shtëpive të rindërtuara pas tërmetit të 26 Nëntorit në Laç.
10.20 – Ceremonia e dorëzimit të shtëpive të ndërtuara pas tërmetit në Laç
Ceremonia e emërtimit të sheshit në Laç me emrin e Presidentit të
Republikës së Turqisë
13.00 – Takim midis Presidentit të Turqisë Sh.T.Z. Recep Tayyip Erdoğan dhe Kryeministrit të Shqipërisë, Sh.T.Z. Edi Rama
15.00 – Nënshkrimi i marrëveshjeve dhe konferenca e përbashkët për shtyp
16.00 – Ceremonia e inaugurimit të xhamisë së Et’hem Beut
17.00 – Përshëndetja e Presidentit të Republikës së Turqisë në Kuvendin e Shqipërisë
18.00 – Nisja drejt aeroportit të Rinasit.