Kreu i PD, Lulzim Basha ka vizituar qytetin e radhës në turin e tij elektoral, Fushë-Arrëzin ku ka theksuar rëndësinë e zgjedhjeve të 25 prillit.
Sipas Bashës këto zgjedhje janë më të rëndësishmet dhe vendimtare, teksa garanton se shqiptarët do të dalin të votojnë masivisht.
Ai shton se vetëm vota e shqiptarëve mun të sjellë ndryshim, teksa ka kërkuar që asnjë votë mos shkojë kot.
E shoh, e ndjej se ndryshimi këtu ka mbërritur. Por kjo javë është java e sprintit, natë e ditë, ditë e natë, orë pas ore. Këto, më pas se 200 orë, nga dita kur do të bëjmë ndryshimin. Zemra rreh, tik-tak bën ora, përpara drejt fitores. Fitores për Fushë-Arrëzit, Shqipërinë dhe shqiptarët. Koalicioni për ndryshim, aleanca jonë, i ka gati planet. I ka gati planet për ekonominë, punësimin, rikthimin e investimeve.
I kemi gati planet për t’i dhënë fund 8 viteve dështime, infrastrukturën rurale, subvencionet, mineralet nuk do të pasurojnë një grusht njerëzish por minatorët, fermerët dhe familjet.
Këtu përsëris zotimin tim, se nesër si kryeministër i gjithë shqiptarëve, për gjithë minatorët do të bëj brenda 6 muajve statusin e minatorit sipas standardeve europiane. Votoni ndryshimin dhe ndryshimi po vjen. Asgjë nuk e ndal dot, askush nuk e ndal dot. Kemi një ekip. ‘’- tha Basha.