Ditën e djeshme në portin e Durrësit u ndalua një fugon i cili pasi u nënshtrua kontrolleve, u gjetën 120 mijë paund të fshehura.
Si rrjedhojë u arrestua nga policia shoferi 20 vjeçar, Olsi Sefolli. Lidhur me ngjarjen ka reaguar i ati i 20 vjeçarit ku shprehet se djali i tij nuk kishte lidhje me rastin në fjalë dhe se ishte vetëm një shofer i një firme private.
“Djali im punonte në postë private. Pardje u nis nga Shqipëria, shkoi në Torino dhe e la fugonin të zbrazur në të njëjtin vend. Më pas mori fugonin tjetër, por nuk ka asnjë lloj lidhje me paratë, nuk kishte dijeni për to.”