Para më shumë se një muaj, kryepeshkopi Janullatos është rikthyer nga Greqia në Shqipëri pas stabilizimit të gjendjes së tij shëndetësore.
Janullatos u dërgua me avion ushtarak në datën 11 nëntor drejt Greqisë pas infektimit me Covid-19.
Pas trajtimit të specializuar në Greqi, në një spital në Athinë, Janullatos arriti që të fitonte luftën me sëmundjen duke u rikthyer në Shqipëri në gjendje të mirë shëndetësore. Pak ditë më parë ai foli për mediat greke duke rrëfyer momentet e vështira që kaloi si pasojë e infektimit me koronavirus.
