Ministria e Punëve të Jashtme të Greqisë ka bërë me dije se vlefshmëria e letrave të qëndrimit dhe të vërtetimit të shtetasve nga vendet e treta, ku përfshihet edhe Shqipëria, do të zgjasë edhe më shumë.
Sipas njoftimit bëhet me dije se dokumentet e lëshuara nga shteti helen, të cilat kanë skaduar gjatë periudhës 1 janar 2020 – 31 korrik 2020, do iu zgjatet vlefshmëria deri më 31 mars 2021.
Ndërsa për dokumentet që janë lëshuar nga 1 gusht 2020 dhe me datë skadence deri 31 mars 2021, u zgjatet automatikisht vlefshmëria me 8 muaj nga data e tyre fillestare e skadimit.
Hyrja në fuqi e lejeve të qëndrimit që do të lëshohen fillon ditën pasardhëse nga data e skadimit të lejes së qëndrimit të listuar.
Ndërkohë një afat i tillë nuk vlen për lejet e qëndrimit dhe vërtetimet e aplikimit që janë rinovuar tashmë për një datë të mëvonshme.
