Një ‘kartel droge’ i përbërë nga dy grupe kriminale, që përfshinte siçilianë, kolumbianë dhe shqiptarë, u zbulua nga Policia e Financave e Catania e cila zbatoi një urdhër paraburgimi paraprak ndaj 13 personave.
Ky kartel droge merrej me tregtimin e sasive të mëdha të drogës dhe vetëm sot u sekuestruan 365 kg marijuanë dhe kokainë.
Sipas mediave italiane një prej dy grupeve ishte i përkushtuar në trafikimin e kokainës dhe drejtohej nga vëllezërit kolumbianë, Ruben Dario Rodriguez Mondragon dhe Julio Cesar ‘Cheo’ Rodriguez Hurtado.
Ndërsa grupi tjetër drejtohej nga shqiptarët:
Viktor Dalipaj , lindur në Shqipëri, 46 vjeç;
Petraq Troka , i njohur si “Pietro”, lindur në Shqipëri, 33 vjeç;
Juljan Hoxhaj , i njohur si “Juli”, lindur në Shqipëri, 29 vjeç;
Indrit Karafili , i njohur si “Endri”, lindur në Shqipëri, 34 vjeç;
Shqiptarët ishin aktivë në importin e sasive të mëdha të drogës nga Shqipëria, të cilat u shiteshin më pas organizatave që veprojnë në Siçili.