Kjo është bashkia e parë që ndalon tregtimin e pulave për shkak të gripit të shpendëve

0

Pas konfirmimit të gripit të shpendëve në vendin tonë, Bashkia e Shkodrës ka marrë menjëherë masa duke ndaluar tregtimin e shpendëve të gjallë në mjediset e hapura dhe tregjet e kafshëve. Kujtojmë se më herët Ministria e Bujqësisë njoftoi për tre vatra në vendin tonë ku ishin konstatuar raste me gripin e shpendëve: Në Fushë Krujë, Dajt dhe në Njësinë Administrative Bujan.

Njoftimi

Në zbatim të Urdhrit Nr. 243, datë 08.06.2021 të Ministrit të Bujqësisë dhe Zhvillimit Rural Zj. Milva Ikonomi “Për marrjen e masave kufizuese për parandalimin dhe kontrollin e sëmundjes së influencës aviare në shendë, në mjediset e hapura dhe tregjet e kafshëve të gjalla”, duke nisur nga dita e nesërme, datë 15 qershor 2021, në territorin e Bashkisë së Shkodrës ndalohet:

Tregtimi i shpendëve të gjallë në mjediset e hapura dhe tregjet e kafshëve të gjalla në territorin në administim të Bashkisë Shkodër. Ky ndalim do të jetë në fuqi deri në një njoftim të dytë dhe zbatimi do të monitorohet rigorozisht në terren nga të gjitha strukturat e Bashkisë Shkodër në bashkëveprim me Drejtorinë Rajonale të Sherbimit Veterinar.

LEAVE A REPLY

Please enter your comment!
Please enter your name here