“Kujdesi na mbron” është fushata sensibilizuese e UNICEF, e cila synon ndërgjegjësimin e fëmijëve për tu mbroijtur nga Covid- 19. Në bashkëpunim me Bashkinë Shkodër dhe mbështetjen e USAID, ndalesa e radhës ishte Shtëpia e Fëmijës Shkollor 6- 15 vjeç në Shkodër.
Metodologjia e zgjedhur për përçimin e mesazhit shumë të rëndësishëm, është në përshtatje me botën e fëmijëve. Përmes një shfaqje teatri me kukulla, janë personazhet e dashur të fëmijëve, ata që përcjellin mesazhet e nevojshme.
Por nuk mungojnë as personazhe realë, siç është Doktor Piperi, i cili e merr emrin nga një mjek i njohur këto kohë. Personazhet e njohur të filmave vizatimorë apo edhe kukulla, i kërkojnë fëmijëve të respektojnë larjen e duarve, mbajtjen e distancës etj., për tu mbrojtur nga virusi.
Fushata do të udhëtojë në të gjithë vendin, në shkolla dhe institucione të ndryshme, duke patur në qendër të vëmendjes fëmijët.
