Për supersticizët italianë dita e mrkurë nuk ka qenë dhe aq e bukur, pasi pavarësisht lutjeve të besimtarëve gjaku i San Gennarios, mbrojtësit të Napolit nuk është lëngëzuar, çka shihet si ogur i zi për besimtarët.
Një shishkë që përmban gjakun e tharë të dëshmorit të shekullit të katërt kthehet në shfaqje publike tre herë në vit në katedralen e qytetit dhe besimtarët luten për lëngëzimin e saj, të njohur si “Mrekullia e San Gennaro”.
Kjo nuk ndodhi të mërkurën, pavarësisht orëve të lutjes në mëngjes dhe një meshën e veçantë të pasdites. Më pak njerëz se normalisht u lejuan të hynin në katedrale për shkak të kufizimeve të koronavirusit.
Shkencëtarët thonë se substanca brenda shishkës së mbyllur duket se është gjak i tharë, por nuk mund të shpjegohet pse ndonjëherë kthehet në lëng dhe ndonjëherë jo.
Napolitanët bëhen veçanërisht nervozë nëse gjaku nuk lëngëzohet në ditën e festës së shenjtorit, më 19 shtator, por më pak në dy ditët e tjera shishja nxirret për nderim publik – të shtunën para të dielës së parë të majit dhe më 16 dhjetor.
