Ministrja e Arsimit, Sportit dhe Rinisë Evis Kushi ka mirëpritur Zëvendësministren e re Bora Muzhaqi, gjatë një takimi të organizuar me përfaqësues të drejtorive të ndryshme në këtë ministri.
Gjatë këtij takimi Ministeja Kushi ka falënderuar Znj. Aspasjana Kongo, për angazhimin e saj të deritanishëm në MASR, si dhe për kontributin në projekte dhe iniciativa konkrete.
Ajo gjithashtu i ka uruar mirëseardhjen dhe shumë sukses Zëvendësministres së re, Znj. Muzhaqi, e cila do të ndjekë nga afër çështjet në fushën Rinisë.
“Kam besim që me energjinë dhe pasionin e saj për të punuar në favor të të rinjve do të avancojmë akoma më shumë me programe e projekte të frytshme së bashku” – nënvizon Ministrja Kushi në statusin e saj në Facebook.
Kujtojmë se Muzhaqi ishte pjesë e kandidatëve të propozuar nga kryeministri Rama si ofertë politike për kryeqytetasit në zgjedhjet e 25 Prillit. Muzhaqi e renditur e 31-ta në listë nuk mundi dot të zgjidhet në parlament, por mundi të bëhet e njohur për gafat e shumta gjatë fushatës elektorale.
