Kryeministri Rama nuk i ka kursyer kritikat ndaj Bashkimit Europian në lidhje me lënien e vendeve të Ballkanit jashtë vëmendjes për furnizimin me vaksina anti-Covid.
Rama u shpreh më datë 1 janar, kur njoftoi sigurimin e vaksinave se BE-ja ishte treguar egoiste në raport me vendet e tjera, ndërsa gjatë ditës së sotme tha se këto shtete kishin operuar sipas parimit “secili për vete, Zoti për të gjithë”
Kritikat e Ramës ndaj Bashkimit Europian nuk kanë mbetur jashtë vëmendjes së mediave perëndimore.
“Ansa” i referohet Ramës duke thënë se ai nuk zbuloi shtetin që ishte treguar bujar me Shqipërinë në një kohë që vendet e BE u “sollën në mënyrë të pakuptueshme praktikisht si edhe logjikisht me shtetet e Ballkanit Perëndimor”.
Ramës i referohete dhe France24, e cila gjithashtu mban theksin tek qejfmbetja e kreut të qeverisë shqiptare me BE-në.
“Vendet e BE nisen shpërndarjen që më datë 27 dhjetor dhe mund t’i kishin dhënë disa doza shteteve të Ballkanit Perëndimor për të vaksinuar ata që përballen në vijën e parë të frontit me koronavirusin, por nuk e bënë”, i referohet France24 Ramës.
Ndërkohë, Washington Post thekson Ramën teksa shprehet se “nuk duhej menduar si vendet e BE, sepse Shqipëria nuk ishte vetëm”
