Një 50-vjeçar është aksidentuar rëndë pasi ka dalë nga rruga së bashku me traktorin që po drejtonte vetë.
Ngjarja ka ndodhur në fshatin Qerreshnik rreth orës 19:00 të mbrëmjes së sotme.
50-vjeçari Faros Zoga ka qenë duke drejtuar pa patentë një traktor përgjatë rrugës së fshatit Qerreshnik, ku ai jetonte.
Zoga ishte duke u kthyer në shtëpi pas punës në arë por rrugës ka humbur kontrollin e traktorit dhe ka rënë në një kanal në anë të rrugës.
Traktori është përmbysur dhe e ka zënë poshtë 50-vjeçarin,që ka pësuar thyerje gjymtyrësh dhe shembje në shumë pjesë të trupit. Është dashur ndërhyrja e Repartit Zjarrfikës për ta nxjerrë të plagosurin nga mjeti.
Ai është transportuar fillimisht drejt Spitalit Rajonal të Beratit por për shkak të dëmtimeve të shumta dhe gjendjes së rënduar shëndetësore është transportuar me autoambulancë drejt Spitalit të Traumës në Tiranë.
