Përplasja për shitblerjen e votës solli një viktimë në Elbasan katër ditë para zgjedhjeve të 25 prillit. Viktimë mbeti aktivisti i PS, Pjerin Xhuvani, ndërsa u plagosën katër të tjerë.
Momenti i përplasjes mes mbështetësve të PS dhe PD, ka shkaktuar panik dhe frikë tek qytetarët të cilët ishin në vendngjarje.
Në një video është filmuar momenti i të shtënave me armë mes dy palëve, ndërsa solli vrasjen e Xhuvanit dhe plagosjen e të tjerëve. “Oi u vranë”, dëgjohet teksa thonë dy vajza në një automjet.
