Publikohen të tjera detaje nga vrasja e mbetur në tentativë e 27-vjeçarit në Vlorë. Marjo Ferraj është sulmuar nga dy persona sapo ka dalë nga shtëpia, në lagjen “Partizani”, në momentin që do hipte në makinën e tij tip “Volkswagen Polo”. Autorët e krimit po e prisnin të riun në një mjet “Alfa Romeo”. Skena është regjistruar nga kamerat e sigurisë së vendosura në murin e banesës së tij.
Në pamjet e siguruara nga News 24, shihet se i riu ka qenë në fije të perit. Siç shihet autori afrohet deri në xhamin e makinës dhe e qëllon, por fatmirësisht I riu ka mund t’i shpëtojë atentatit. Ajo që bie në sy është se njëri prej autorëve del me qetësi nga mjeti dhe i afrohet makinës së autorit për ta qëlluar. Pasi dëgjohen të shtënat, shoferi ikën nga makina, ndërsa autori shihet që kthehet me kurriz dhe pret që ta marrë makina e shoqëruesit të tij.
