Për shkak të situatës së krijuar me rritjen e numrit të të infektuarve me Covid, në shtetin grek është marrë vendimi që karantina të zgjasë deri më datën 7 dhjetor.
“Lockdown-i total do të shtyhet”,- ka thënë zëdhënësi i qeverisë greke duke iu referuar të dhënave epidemiologjike dhe nuk ka dhënë garanci për “shpëtimin” e Krishtlindjeve dhe Vitit të Ri, të cilat do të përjetohen nën masa kufizuese.
Rrjedhimisht, periudha e festave do të jetë ndryshe në Greqi pasi qarkullimi do të jetë i kufizuar, ndërsa baret dhe restorantet do të funksionojnë në orare më të reduktuara.
Greqia është duke u përballur me raste të shumta të prekurish dhe të vdekurish nga koronavirusi.
Madje, spitalet në zona të ndryshme të vendit janë mbushur duke detyruar autoritetet që të bëjnë transportimin e të sëmurëve me avion për në Athinë ku ka ende vende bosh.
