Është hedhur ditën e sotme rreth orës 14:30 shorti për grupet e Ligës së Konferencës, i cili u mbajt në Monaco dhe kampioni i Kosovës, Ballkani, u tërhoq në Grupin C.
Në Ligën e Konferencës ka përfunduar shorti i cili përfshiu 32 skuadra – 12 kualifikuese automatike, dhjetë fitues të “play-off”-it të Ligës së Konferencës dhe dhjetë skuadra që transferohen nga humbjes e “play-off”-it të Ligës së Evropës.
32 skuadrat e ndara në katër vazo, u bazuan në renditjen e koeficientit të klubit.
Pjesë e shortit ishin edhe ekipe të njohura si Dinamo Zagreb, Eintracht Frankfurt, Lille, Aston Villa, Fenerbahce, Besiktas, Fiorentina dhe kampioni i Kosovës, Ballkani.
Ballkani u tërhoq në Grupin C, së bashku me Dinamo Zagrebin, Astana dhe Viktoria Plzen.
Asnjë ekip nuk mund të luajë me një ekip tjetër nga vendi i tij. Faza e grupeve luhet të enjten nga 21 shtatori deri më 14 dhjetor, duke filluar në orën 18:45 dhe 21:00.
