Ministrja për Marrëdhëniet me Parlamentin, Elisa Spiropali deklaroi në emisionin “Breaking” në Top News se emrat e qeverisë së re do të mësohen në shtator. E pyetur nëse do të kemi një ministër për çdo qark, Spiropali u shpreh se skema po mendohet nga kryeministri Edi Rama.
Lidhur me shkarkimin e presidentit Ilir Meta, Spiropali u shpreh se mazhoranca është e gatshme të bashkëpunojë me PD.
Pjesë nga biseda
A do kemi nga një ministër për çdo qark?
Spiropali: Këtë skemë po e mendon dhe kolaudon kryeministri që ka tagrin. Ne po bëjmë punën tonë. Ka kohë deri në shtator kur do të prezantohen emrat e rinj. Duhet bërë edhe pak durim?
A ishte koha e duhur për të shkarkuar Metën?
Spiropali: Nuk ishte momenti i duhur për shkarkimin e Metës, ishtë shumë kohë më parë në fakt. Kupa nuk ishte mbushur, por ishte derdhur. Ilir Meta nuk ishtë më president.
A do bashkëpunoni me PD për presidentin e ri?
Spiropali: Kemi shprehur gatishmërinë për të gjetur agjendën e përbashkët kombëtare për shumë çështje, jo vetëm për presidentin.
