Të premten e kaluar, emisioni “Për’Puthen” ishte padyshim një nga puntatat më interesante. Emisioni nisi me takimin e Fatjoit dhe Melisës, ndërsa ‘startoi’ edhe xhelozia e Anës.
Pas takimit të dyshes, Ana e revoltuar nisi të lexonte dhe ‘romanin’ e saj, ku shprehte zhgënjimet që kishte për Fatjonin.
Duke lexuar vetëm fillimin e tekstit, drejtuesja e programit e ndërpreu për shkak të kohës, teksa Ana ka bërë një veprim që solli mjaft reagime dhe debate.
Ana pasi ngrihet nga karrigia, godet me shuplakë Fatjonin dhe largohet nga emisioni.
Pasi largohet një nga gazetaret mundohet që të filmojë Anën dhe e ndjek nga pas. Por dhe aty Ana, tregon ‘forcë’, ndërsa mundohet që të hedh telefonin e gazetares.
