Policia shqiptare ka finalizuar aksionin “Muzgu” gjatë së cilës janë arrestuar 3 banor të Elbasanit, që transportonin në mënyrë të paligjshme refugjatët sirianë.
Sipas policisë, ” Seksioni i Hetimit të Trafiqeve në DVP Gjirokastër, në bashkëpunim me Policinë Kufitare dhe shërbimet e FRONTEX-it, ka organizuar dhe finalizuar me sukses operacionin policor, si rezultat i të cilit u bë arrestimi në flagrancë i shtetasve D. B., 29 vjeç, A. R., 37 vjeç dhe J. Sh., 36 vjeç, banues në Elbasan.“
Të arrestuarit u kapën në flagrancë në fshatin Vanistër teksa transportonin 5 shtetas të huaj në drejtim të Tiranës, me mjetet autoveturë tip “Ford” dhe “Volkswagen”.
