Elbasan/ 200 euro për person, Arrestohen dy shtetasit që transportonin emigrantë nga Lindja

0

Dy shtetas me iniciale L.Gj., 33-vjeçar me banues në Durrës, dhe G.G., 36-vjeçar banues në Fier.
Të dy këta shtetas janë kapur në flagrancë nga Policia e Elbasanit, duke transportuar 7 shtetas nga vendet e treta kundrejt pagesës 200 euro për person.

Njoftimi i plotë i policisë:
Elbasan
Vijojnë goditjet e njëpasnjëshme ndaj veprimtarisë kriminale në fushën e dhënies ndihmë për kalim të paligjshëm të kufirit, kundrejt fitimit.
Vihen në pranga 2 shtetas, pasi u kapën në flagrancë duke transportuar 7 shtetas të huaj nga vendet e treta.
Në zbatim të detyrave të përcaktuara në planin e masave të hartuar nga DVP Elbasan, për të parandaluar dhe goditur aktivitetin e paligjshëm të dhënies ndihmë shtetasve të huaj për kalim të paligjshëm të kufijve dhe tranzitimin e tyre në territorin shqiptar, me destinacion vendet e BE-së, specialistët për Hetimin e Trafiqeve të Paligjshme në DVP Elbasan, në bashkëpunim me shërbimet e Policisë Librazhd, pas informacioneve të marra në rrugë operative se dy shtetas po transportonin nga Korça, disa shtetas nga vendet e treta, me qëllim dhënien ndihmë për kalim të paligjshëm të kufirit, kundrejt fitimit 200 euro për person, kapën dhe arrestuan shtetasit:
L. Gj., 33 vjeç, banues në Durrës dhe G. G., 36 vjeç, banues në Fier.
Këto shtetas u kapën nga shërbimet e Policisë, në aksin rrugor Librazhd-Elbasan, duke transportuar 7 shtetas të huaj me mjetin e tyre.
Materialet hetimore i kaluan Prokurorisë pranë Gjykatës së Shkallës së Parë Elbasan, për veprime e mëtejshme.

LEAVE A REPLY

Please enter your comment!
Please enter your name here