Dy gra transgjinore në Kamerun janë dënuar me pesë vjet burg për shkelje të ligjeve të homoseksualitetit.
Sipas avokatëve, ato u dënuan për nxitje të homoseksualitetit, ndërkohë që në publik kishin shumë probleme me kartat e tyre të identitetit.
Njëri prej tyre është youtuber-ja e famshme, Shakiro, që thekson problemet me të cilat përballet komuniteti LGBT-së, në Kamerun, i ndaluar ligjërisht.
Ajo dhe shoqja e saj Patricia kanë qenë në paraburgim që nga shkurti, pas arrestimit në një restorant, raporton BBC.
Shakiro ka mijëra ndjekës në “Facebook” dhe “Youtube”, ku flet hapur për orientimin e saj seksual.
Kameruni është ndër 31 vendet afrikane që kriminalizon seksin homoseksual.
“Mesazhi është i qartë: homoseksualët nuk kanë vend në Kamerun”, tha një nga avokatet, Alice Nkom, e cila kryeson Shoqatën për Mbrojtjen e të Drejtave të Homoseksualëve .
Avokati tjetër, Richard Tamfu, thotë se dyshja do të apelojë vendimin pasi nuk ka asnjë provë që janë kryer akte homoseksuale, vetëm dyshim.
