Sokol Skura ka reaguar një ditë pasi u kap në gjendje të dehur në timon, duke u shprehur se arrestimi i tij ka qenë inskenim i kryer kundër atij dhe familjes.
Skura u arrestua ditën e hënë, ditën kur dhe Monika Kryemadhi e prezantoi si kandidat të LSI-së për qarkun e Elbasanit.
Më tej , Skura paralajmëron nëj konferencë për shtyp së shpejti ku do të flasë në lidhje me këtë inskenim të mazhorancës, sicc e quan ai, kundër tij.
“Askush nuk e pengon fitoren tone ne 25 prill. Inskenimet dhe makinacionet e kryera ndaj personit tim dhe familjes time nuk me ndalojne ne fitoren e sigurte.Per te gjitha shantazhet e kryera ne rrethin tone ndaj qytetareve, dashamiresve dhe simpatizateve, se shpejti une do te mbaje nje dalje per shtyp per ti bere publike,” deklaroi Skura.
Kandidati i Lëvizjes Socialiste për Elbasanin, Sokol Skura është arrestuar dje pasi është kapur nga policia duke drejtuar automjetin në gjendje të dehur. Në njoftimin për media policia sqaron se Skura po udhëtonte në aksin rrugor Librazhd-Elbasan, kur gjatë kontrollit ka rezultuar se kishte konsumuar alkool.
