Një tjetër humbje e madhe në radhët e bluzave të bardha. Mjeku i njohur vlonjat, Llambro Bala ka ndërruar jetë si pasojë e Covid-19.Doktori ishte infektuar prej disa ditësh, ndërsa nuk mundi që të mposhte sëmundjen duke ndërruar jetë.
Lajmin e ka konfirmuar Urdhri i Mjekëve të Shqipërisë, ku shpreh ngushëllimet për humbjen e mjekut të njohur dermatolog.
“Me dhimbje të thellë Urdhëri i Mjekëve të Shqipërisë njofton humbjen e Dr.Llambro Bala, mjek Dermatolog në Vlorë, si pasojë e Covid-19.
Urdhëri i Mjekëve të Shqipërisë shpreh ngushëllimet më të sinqerta familjes, kolegëve dhe të afërmeve të tij……. I paharuar qoftë kujtimi i Tij!”, thuhet në postim.
Ndërkohë që mesazh ngushëllimi për ndarjen nga jeta të Llamvros ka dhënë dhe ish-ministri Arben Malaj, i cili shkruan:
Nje lajm i trishtueshëm per nje nga mjekët e jashtëzakonshëm të Vlorës. Një njeri fisnik dhe i kudogjendur. Buzagaz dhe i pa përtuar. Ngushëllime famijes! U prehtë në paqe!
Kolegëve në facebook u kërkoj ndjesë për mbingarkesën e postimeve me lajme të tilla por i kam njohur edhe personalisht dhe dua tju shpreh mirënjohje deri në fund. Arbeni
