Ditën e sotme mbahet seanca ku pritej përballja mes kryeministrit Edi Rama dhe presidentit Ilir Meta përsa i përket mosmarrëveshjes së tyre lidhur me kompetencat e dekretimit të ministrave të qeverisë.
Në Gjykatë nuk janë paraqitur asnjëri prej tyre, por kanë dërguar përfqësuesit e tyre, pasi siç bëhet me dije, presidenti Meta ndodhet në Sloveni në takim me homologët e Ballkanit perëndimor, ndërsa kryeministri Edi Rama do të jetë sot i pranishëm në një takim të liderve të Ballkanit perëndimor në Bruksel.
Presidenti përfaqësohet me këshilltarin ligjor Bledar Dervishaj, ndërsa Kryeministri Rama përfaqësohet nga zv.sekretarja e përgjithshme e qeverisë Edlira Kokona.
