Gjatë konferencës së sotme kryeministri i Shqipërisë, Edi Rama, është shprehur se në vendin tonë vaksinimi nuk do të jetë i detyrueshëm.
“Kushdo që do të vaksionohet, do të vaksinohet falas”,-është shprehur kryeministri.
Më datën 9 dhjetor Rama postoi një foto me bosin e kompanisë Pfeizer, Albert Burla në qendrën e kompanisë prodhuese të vaksinës anticovid në Nju Jork.
Sipas Ramës, tashmë janë përmbyllur komunikimet që Shqipëria të marrë vaksinën dhe se ambicia është të mos mbetemi mbrapa në radhën e stërgjatë të shteteve që kërkojnë vaksinën, por ta kemi brenda 2 muajve të parë të 2021-shit.
Përveç kanalit të sapo hapur për vaksinën Pfeizer qeveria pritet të hapi në vijim edhe kanalet për vaksinat Moderna dhe Astrazeneca.
