Kryeministri Edi Rama prezantoi pasditen e sotme kandidatët për deputet të PS-së për qarkun e Lezhës.
Takimi nisi me një minutë heshtje për ikjen e parakohshme nga kjo jetë të deputetit Bashkim Fino.
“Dua t’ju kërkoj një minutë heshtje për një anëtar të skuadrës tonë të 25 prillit, një socialist i shquar, ish-kryeministri shqiptar, një mik i joni i zemrës, i paharruari Bashkim Fino që u na nda prej nesh dy ditë më parë. U prehtë në paqe!” tha Pjerin Ndreu, kryebashkiaku i Lezhës.
Dita e djeshme u shpall zi kombëtare me vendim qeverie.
Flamujt kudo në institucione u ngritën në gjysmë shtizë ndërsa veç PS edhe partitë e tjera ndaluan aktivitetet e tyre elektorale.
