Janë arrestuar ditën e sotme 3 persona në qytetin e Durrësit pasi janë kapur duke drejtuar mjetin në mënyrë të parregullt.
Njëri prej të arrestuarve, në gjendje të dehur ka përplasur edhe 4 mjete të tjera, duke shkaktuar dëme materiale.
Janë arrestuar në flagrancë shtetasit:
B. G., 42 vjeç, banues në Durrës, pasi u konstatua nga shërbimet e Policisë, në lagjen nr. 5, Durrës, duke drejtuar mjetin në gjendje të dehur;
Xh. S., 29 vjeç, banues në Durrës, pasi u konstatua nga shërbimet e Policisë, në lagjen nr. 14, Durrës, duke drejtuar motomjetin pa leje drejtimi;
A. M., 45 vjeç, banues në Durrës, pasi në aksin rrugor Durrës-Tiranë, duke drejtuar mjetin tip “Ford”, në gjendje të dehur, ka shkaktuar aksident rrugor me 4 mjete të tjera, duke shkaktuar dëme materiale.