Renditet si qarku i parafundit më i varfër në Shqipëri, megjithatë Elbasani është kampion në konsumin e alkoolit dhe duhanit që futen në shpenzimet e luksit.
Sipas të dhënave të INSTAT nga anketa e buxhetit të familjeve në vitin 2019 qarku Elbasanit kishte shpenzimet më të larta për alkool dhe duhan në raport me buxhetin total përkatës.
Familjet në Elbasan shpenzuan mesatarisht 5.2 për qind të buxhetit të tyre me cigare dhe pije, duke u rritur me 0.6 pikë përqindje në raport me vitin 2009.
Vetë qytetarët e shprehin në mënyra të ndryshme këtë trend. Sipas tyre konsumi i alkoolit dhe duhanit është një traditë e hershme që vazhdon edhe sot. Ndërsa të tjerë shprehen se e pijën edhe nga halli apo nga qejfi. Sipas tyre të rinjtë dhe madje edhe vajzat, konsumojnë alkool dhe duhan për trend, për tu dukur.
Konsumi për pije dhe cigare shihet të jetë tipar i varfërisë. Elbasani u renditet si pas të njëjtës anketë si qarku më i varfër në vend, por gjithashtu edhe me konsumin më të lartë të pijeve dhe cigareve.
Sipas analistëve shkak mbeten papunësia, humbja e shpresës për një jetë më të mirë, por edhe faktorë të tjerë që kanë të bëjnë me traditën, trendin etj, luajnë rol të rëndësishëm. infoelbasani.com