OFL i ka dërguar formularin për deklarimin e pasurisë pesë të dënuarve për krime të ndryshme në Tiranë dhe Gjirokastër.
Të pestë ata duhet të deklarojnë pasurinë brenda 48 orëve, në të kundërt do t’iu sekuestrohet.
Ata janë Bledar Hasani, Selam Qëndro, Memo Lila, Sadik Hazizi dhe Gentian Çani.
Hasani rezulton i dënuar për veprat penale “Grupi i strukturuar kriminal”, “Vjedhja me dhunë” kryer në bashkëpunim në formën e grupit të strukturuar kriminal dhe “Vjedhja”; ndërkohë, Lila, Qendro dhe Hazifi janë dënuar për vrasje, ndërsa Çani po vuan dënimin për “rrëmbim personi”.
“Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.
OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special”, bën me dije OFL. /abcnews.al